بضم صدرك لين تصبح على خير

افتح شبابيك الهوى جيتـك اليـوم
بحساس من زود الوله عده ايطيـر
جيتك مثل طفلن له ايـام محـروم
عن حضن امـه بعدتـه المقاديـر
وجيتك مثل عودن له ايام مهمـوم
وده يلاقـي باخـر الوقـت تقديـر
وجيتك حضن عاشق وهايم ومغروم
وده يضمك لين تصبح علـى خيـر
متى تحس ان الهوى شي مقسـوم
من قسمة الخالق على خلقه يصير
ومتى تحس اني لك اطيـح واقـوم
واتعب على شانك واقدرك وآغيـر
لي في هواك احلام وامال وعلـوم
واحزاب واصحاب وقصيد وجماهير
وهموم وافكار وهواجيس وحلـوم
وادروب واخطار وعذاب ومشاويـر
وحب وغلا واخلاص ومعاند ولـوم
واحساس واللهام وشعور وتفاكيـر
وصحبة سهر ومقاطعة لذة النـوم
واشواق جياشه وعشَـق وتعابيـر
في ذمتك مابان لـك شـي مكتـوم
من بعد ماصورت الاوضاع تصوير
لاتحسب انك شي عابـر ومعـدوم
وتاريخ حبَك فـاق كـل الاساطيـر
كنـي لقيتـك بأغنيـه لأم كلثـوم
وكني قريتك في روايـة شكــسبيـر
في كل شي اتخيلك واسمعـك دوم
واتأملك في الوقـت الأول ولآخيـر
من ماضي الأيـام لايومـك اليـوم
وغَلاك عندي ماحصل فيـه تغييـر
وانا لك الله مأقبل البيـع والسـوم
ولا ارضى علي ولاعليك المخاسير
لاْني الوحيد اللي على بحرك يعـوم
واللي عرف مرساه في رحلة السير
لحظه حبيبي قبل يسبقنـي النـوم

بضم صَدرك لين تصبح على خيــــــر

على عيني جميع الي طلبه على عيني ...........تم ولو تبغاها عيني على عيني متى نسعد

انا احبه وانا فعلا...بقصة حبنا مهتم

انا مجنون يا ناس وقد تاهت عناويني

تمنيته معي دايم واشم بريحته واشتم

ورود الشوق كثير الشوق له فيني

ياليته يرجع وله اهتم اطلب واتمنى

واتمنى جوابه لك على عيني

تــــــســـــــلـــــــمــــــــــين يالغاليه